அவனொருவனின் அயல்மொழி
என் காதலன் ஒருவன் இருந்தான்!
நினைத்த பொழுதிலெல்லாம்
சிலிர்ப்பூட்டியவன்!
சட்டென கன்னக்கதுப்புகளைக்குழையச் செய்து விடக்கூடியவன்!
கனவுகள் விரியும் இள
மாலை வேளையில்
மஞ்சள் பூக்கள் பரவிய சாலையில்
அவனோடு மென்னடை பயில
ஆவல் கொண்டேன்!
உணர்ந்த நேசம் பகிர
உள்ளம் முனையும் முன்
அன்றொரு இருண்ட கணத்தில்
என் புன்னகையும் களவுகொண்டு
நானறியா மொழியாகிவிட்டான்!
